Лукашэнка ўзяў адыёзнага генерала Муравейку ў сваю адміністрацыю

• 28.09.2026, 12:18

Былы начальнік Генштаба запомніўся вар'яцкімі заявамі

Лукашэнка прызначыў Паўла Муравейку намеснікам кіраўніка сваёй адміністрацыі. Да гэтага ён займаў пасаду начальніка Генштаба — першага намесніка міністра абароны.

На месца Муравейкі ў Генштабе прыходзіць Уладзімір Белы. Раней ён быў намеснікам міністра абароны.

Экс-начальнік Генштаба Беларусі запомніўся вар'яцкімі заявамі. У 2023 годзе Муравейка заявіў, што Беларусь мае права «прарубіць калідор» праз Літву сілай зброі ў адказ на санкцыі. Паводле яго версіі, Літва фактычна забараніла перамяшчаць беларускія тавары праз мяжу, і гэта ён назваў эканамічнай агрэсіяй.

У гэтым жа годзе Муравейка пагражаў ужыць ядзерную зброю.