Арына Сабаленка загаварыла па-кітайску

• 28.09.2026, 14:57

Беларуска прыляцела ў Пекін на турнір WTA-1000.

Другая ракетка свету, беларуская тэнісістка Арына Сабаленка, прыляцела ў Кітай для ўдзелу ў турніры катэгорыі WTA-1000 у Пекіне.

У аэрапорце чатырохразовай пераможцы турніраў Вялікага шлема падарылі плюшавага тыгра.

«Я люблю Адкрыты чэмпіянат Кітая па тэнісе», — сказала беларуска па-кітайску.

«Тысячнік» у Пекіне стартуе 30 верасня. Арына Сабаленка пачне выступленне на турніры з другога круга. Яе суперніцай стане пераможца пары Ганны Бондар (№ 64 WTA, Венгрыя) – Рэнаты Сарасуа (№ 94 WTA, Мексіка).

У 2025 годзе беларуская тэнісістка не ўдзельнічала ў турніры China Open з-за нязначнай траўмы.