Украінскі спецназ нанёс удар па ваеннай інфраструктуры РФ

• 28.09.2026, 15:48

Паражаныя РЛС, аб'екты сувязі і лагістыкі, авіяцыя і марская інфраструктура.

Спецпадраздзяленне «Прымары» ГУР Мінабароны Украіны працягвае знішчаць важныя элементы ваеннай сістэмы расійскіх акупантаў. Пад ударамі — аб'екты лагістыкі, сувязі, радыёлакацыі, авіяцыі і марской інфраструктуры, паведамілі у ГУР, апублікаваўшы кадры аперацый.

У выніку баявой працы «Прымары» паражаныя:

- чыгуначны мост праз Паўночна-Крымскі канал;

- дзевяць вежаў сувязі, РЭБ, РЭР, БРЛС і MESH-рэтранслятары;

- РЛС «Небо-У»; - КП РЛС «П-18 Терек»;

- дзве РЛС «Каста-2Е»;

- вучэбна-баявы рэактыўны самалёт «Л-39 Альбатрос»;

- хуткасны штурмавы катэр «БК-10»; - хуткасны транспартна-дэсантны катэр «БК-16»;

- хуткасны патрульны катэр «Мангуст».

У ГУР заявілі, што паслядоўнае знішчэнне дарагавартасных ваенных аб'ектаў абмяжоўвае магчымасці расійскіх войскаў бачыць абстаноўку, перадаваць даныя, перамяшчаць рэсурсы і дзейнічаць на моры. Дэмантаж ваеннай інфраструктуры агрэсара на часова акупаваных тэрыторыях Украіны працягваецца.