Памёр былы старшыня КДК Якабсон

• 28.09.2026, 18:34

Прычына яго смерці не называецца.

Памёр 75-гадовы былы старшыня Камітэта дзяржаўнага кантролю Аляксандр Якабсон. Прычына смерці былога высокапастаўленага чыноўніка не называецца.

Аляксандр Якабсон быў «дэпутатам» «палаты прадстаўнікоў» (1996–2000) і сябрам Савета Рэспублікі трэцяга і чацвёртага скліканняў.

З 2001 па 2010 гады ён кіраваў Гомельскім аблвыканкамам. У снежні 2010 года Аляксандра Якабсона прызначылі старшынём Камітэта дзяржаўнага кантролю.

У крэсле кіраўніка аднаго з найбольш уплывовых ведамстваў ён прабыў да жніўня 2014 года. Затым яго перавялі на пасаду памочніка Лукашэнкі па Мінску. У гэтым амплуа Аляксандр Якабсон прапрацаваў тры гады.