Пуцін засакрэціў расійскую нафту

• 28.09.2026, 18:39

Закрыты даныя аб НПЗ і экспарце.

Расійскі дыктатар Уладзімір Пуцін абмежаваў доступ да інфармацыі са сферы паліўна-энергетычнага комплексу РФ.

Адпаведны ўказ з яго подпісам быў апублікаваны на дзяржаўным партале прававой інфармацыі РФ 28 верасня, перадае dialog.ua.

Пуцін сваім указам уключыў інфармацыю пра працу расійскіх нафтаперапрацоўчых заводаў Расіі ў пералік тых, доступ да якіх абмежаваны. Цяпер будзе забаронена публікаваць інфармацыю пра аб'ёмы перапрацоўкі расійскіх НПЗ, у тым ліку пра вынікі ўкраінскіх удараў па іх.

У дакуменце адзначана, што гэта «безадкладныя меры... у адказ на недружалюбныя і якія супярэчаць міжнароднаму праву дзеянні ЗША і далучаных да іх дзяржаў».

Таксама Пуцін сваім указам забараніў распаўсюджваць даныя пра энергарэсурсы, якія Расія экспартуе, у тым ліку пра прадаўцоў і пакупнікоў, лагістыку, цэны.

Адзначым, што нядаўна прэзідэнт ЗША Дональд Трамп падпісаў закон аб узмацненні санкцый супраць РФ. Ён прадугледжвае, у тым ліку, увядзенне пошлін да 500% у дачыненні да краін, якія набываюць расійскую нафту.