«Нічога не працуе»: жыхарка Данецка паказала, да чаго РФ давяла горад

• 28.09.2026, 19:40

Відэафакт.

Жыхарка акупаванага Данецка паказала, як выглядае побытавае жыццё ў горадзе пасля 12 гадоў расійскай акупацыі. У яе кватэры няма ні вады, ні электрычнасці, а дарагая тэхніка, набытая пасля рамонту, фактычна не выкарыстоўваецца, паведамляе dialog.ua.

Жанчына запісала відэа на мабільны тэлефон і прайшлася па кватэры, паказваючы наступствы камунальнага калапсу. Яна правярала разеткі і дэманстравала, што святло не загараецца. Таксама паказала кухню, дзе замест нармальнай працы бытавой тэхнікі даводзіцца карыстацца пластыкавым тазам.

З сарказмам яна тлумачыць, што замест усіх гэтых выдаткаў можна было адразу купіць пластыкавы таз. На кухні стаіць таз, на дне якога відаць сляды іржавой, бруднай вады: «Нічога не працуе! Навошта было траціцца на ўсё гэта?»

Карыстальнікі ў сацсетках адзначаюць, што да 2014 года Данецк быў адным з самых развітых і багатых гарадоў Украіны. Гэта быў буйны прамысловы, культурны і дзелавы цэнтр з сучаснай інфраструктурай, універсітэтамі, стадыёнам, аэрапортам, рэстаранамі, гандлёвымі цэнтрамі і нармальным гарадскім жыццём.

Пасля прыходу Расіі горад апынуўся ў стане дэградацыі.

У Данецку захоўваецца крытычная сітуацыя з водазабеспячэннем, якая абвастрылася з-за спынення асноўнага канала Сіверскі Данец — Данбас, моцнага зносу камунальных сетак (да 75%) і рэгулярных перабояў з электрычнасцю на насосных станцыях. Пабудаваны вадавод Дон — Данбас пакрывае патрэбы горада толькі часткова, а вада, якая падаецца, часта з’яўляецца тэхнічнай і патрабуе сур’ёзнай фільтрацыі.