Квота на ільготны ўвоз электрамабіляў у Беларусь цалкам вычарпана

• 5.09.2026, 14:22

Цяпер такія аўто абкладаюцца пошлінай у 15%.

Устаноўленая квота на бяспошлінны ўвоз электрамабіляў фізічнымі асобамі цалкам вычарпана. Пра гэта паведаміў Дзяржаўны мытны камітэт.

«Пры планаванні далейшага мытнага дэкларавання варта ўлічваць неабходнасць сплаты мытнай пошліны ў памеры 15% ад вартасці транспартнага сродку», — папярэдзілі ў ДМК.

Нагадаем, юрыдычныя асобы свой ліміт вычарпалі яшчэ ў ліпені.

Нават пасля вычарпання квоты насельніцтва па-ранейшаму можа ўвозіць электрамабілі не старэйшыя за пяць гадоў без сплаты ПДВ.