У Сочы загадкава загарэлася нафтабаза

• 7.09.2026, 8:06

Паветранай трывогі не было.

У ноч з 6 на 7 верасня ў расійскім Сочы зноў адбылося ўзгаранне на нафтабазе, якая некалькі дзён таму ўжо пацярпела ад удару. Пры гэтым перад з'яўленнем паведамленняў аб пажары звестак пра новую атаку беспілотнікаў або пра паветраную трывогу не паступала, піша «Дыялог»

Па дадзеных OSINT-аналітыкаў і расійскіх Telegram-каналаў, пажар на аб'екце ўзнік яшчэ ўвечары 6 верасня.

Імаверна, гаворка ідзе пра Адлерскую нафтабазу «Раснафта-Кубаннафтепрадукт», размешчаную непадалёк ад аэрапорта Сочы. Менавіта гэты аб'ект раней пацярпеў у выніку атакі 4 верасня.

Пры гэтым незалежнага пацвярджэння таго, што зноў загарэлася менавіта нафтабаза «Раснафты», пакуль няма. У ноч на 7 верасня паведамленняў пра новую атаку БПЛА ў рэгіёне не паступала, як і папярэджанняў пра паветраную небяспеку. Прычына паўторнага ўзгарання пакуль застаецца невядомай.