Жыхар Брэста: Дзіця адмаўляецца ісці ў школу з-за праверак

• 7.09.2026, 9:21

Бацькі рыхтуюць зварот у Міністэрства адукацыі.

Жыхар Брэста visual_visualov прапануе бацькам школьнікаў разам змагацца супраць навацый уладаў. Ён напісаў пра гэтую ініцыятыву ў Threads.

«Шукаем юрыста для складання калектыўнага звароту ў МУС і Міністэрства адукацыі для тлумачэння і вырашэння пытання наконт адмены выбарачных праверак дзяцей у школе, — піша жыхар Брэста. — А таксама кансультацыі па «працы» СОПа.

Дзіця адмаўляецца ісці ў школу з-за ўсяго гэтага».

Як раней паведамляў сайт Charter97.org, з 1 верасня беларускія школы атрымалі права на выбарачны дагляд рэчаў — як у саміх вучняў, так і ў бацькоў і іншых наведвальнікаў.

Пад праверкі патэнцыйна могуць трапіць школьнікі любога ўзросту, а таксама дарослыя — бацькі і іншыя наведвальнікі, калі пры іх апынуцца буйнагабарытныя прадметы.