У акупаваным Крыме прагрымеў магутны выбух

• 7.09.2026, 10:44

Вялізны пажар зафіксавалі са спадарожніка.

У ноч на 7 верасня ў акупаваным Крыме прагрымелі выбухі, пасля чаго на поўначы Армянска быў зафіксаваны буйны пажар. Паводле паведамленняў мясцовых жыхароў, перад выбухам у раёне горада дзейнічалі мабільныя агнявыя групы.

Ачаг узгарання, паводле даных спадарожнікавай здымкі, размешчаны на тэрыторыі складскога аб’екта. Пра гэта паведамляе маніторынгавая група «Крымскага ветру».

Як паведамляе «Крымскі вецер», каля 00:45 у Армянску было чутна працу мабільных агнявых груп, пасля чаго прагрымеў магутны выбух.

«Потым была чутна дэтанацыя. Куды менавіта патрапіў снарад, пакуль невядома», — гаворыцца ў паведамленні маніторынгавай групы са спасылкай на мясцовага жыхара.

Пасля выбуху на поўначы Армянска ўзнік моцны пажар. Яго ачаг зафіксавалі з дапамогай спадарожнікавых дадзеных.

Паводле даных «Крымскага ветру», узгаранне адбылося на тэрыторыі складаў. Пры гэтым пакуль невядома, што менавіта там захоўвалася.

Інфармацыя пра дакладныя наступствы выбуху, магчымыя пашкоджанні і пацярпелых пакуль не ўдакладнялася.