У Беларусі чакаецца да +31°С

• 7.09.2026, 12:09

Прагноз надвор'я на 8–10 верасня.

8 верасня пагодныя ўмовы ў Беларусі будзе вызначаць вобласць павышанага атмасфернага ціску. Пераменная воблачнасць. Пераважна без ападкаў. У начныя і ранішнія гадзіны месцамі слабы туман. Вецер паўднёва-захадні, паўднёвы ад слабага да ўмеранага. Тэмпература паветра мінімальная ўначы +5..+11°С, месцамі +2..+4°С, максімальная ўдзень +20..+26°С. Атмасферны ціск будзе зніжацца, паведамляе Белгідрамет.

9 верасня захаваецца ўплыў вобласці павышанага атмасфернага ціску, удзень на паўднёвы захад краіны чакаецца паступленне цёплых паветраных мас з Заходняй Еўропы. Пераменная воблачнасць. Пераважна без ападкаў. Уначы і раніцай месцамі слабы туман. Вецер паўднёвай чвэрці ўмераны, удзень месцамі парывісты. Тэмпература паветра мінімальная ўначы +5..+12°С, месцамі +13..+15°С, максімальная ўдзень ад +22°С на паўночным усходзе да +31°С на паўднёва-захадзе.

10 верасня уначы надвор'е ў асноўным працягне вызначаць вобласць павышанага атмасфернага ціску, раніцай і ўдзень адчуецца ўплыў франтальных раздзелаў, якія будуць перамяшчацца з тэрыторыі Польшчы. Уначы пераменная воблачнасць, удзень воблачна з праясненнямі. Уначы ў асобных раёнах на поўначы, раніцай і ўдзень на большай частцы тэрыторыі краіны пройдуць кароткачасовыя дажджы. Месцамі чакаюцца навальніцы. Уначы і раніцай у асобных раёнах слабы туман. Вецер паўднёвы, удзень з пераходам на заходні ўмераны, удзень парывісты, месцамі моцны парывісты. Тэмпература паветра мінімальная ўначы +10..+17°С, максімальная ўдзень ад +19°С на захадзе да +29°С на паўднёва-ўсходзе.