Кая Каллас: Лукашэнка ператварыў Беларусь у плацдарм для расійскай вайны

• 8.09.2026, 20:45

Ягоны рэжым пагражае еўрапейскім суседзям.

Рэжым Лукашэнкі пагражае еўрапейскім суседзям і выкарыстоўвае нелегальную міграцыю як зброю супраць краін ЕС. Пра гэта ў сацыяльнай сетцы X напісала кіраўніца еўрадыпламатыі Кая Каллас.

«Лукашэнка ператварыў Беларусь у плацдарм для расійскай вайны. Ягоны рэжым пагражае еўрапейскім суседзям і выкарыстоўвае супраць іх нелегальную міграцыю», — адзначыла яна.

Каллас расказала пра наведванне памежнай заставы «Падварёніс» на мяжы Літвы і Беларусі і выказала ўпэўненасць у тым, што складана ўладкаваныя тунэлі для пераправы мігрантаў з'яўляюцца пераканаўчым доказам таго, што да гэтага датычны Мінск.

Каллас падкрэсліла, што еўрапейцы ў супрацоўніцтве з НАТА павінны «ўзмацніць назіранне за ўсходнім флангам».