Польшча рыхтуе для Украіны пакет ваеннай дапамогі

• 8.09.2026, 22:54

У яго ўвайдуць сродкі СПА.

Польшча па выніках 36-га пасяджэння «Рамштайна» абвясціла пра падрыхтоўку новага пакета дапамогі Украіне коштам 50 млн еўра. У яго, у прыватнасці, увайдуць сродкі СПА.

Пра гэта паведамляе Міністэрства абароны Украіны.

У ходзе пасяджэння партнёры абмеркавалі далейшае ўзмацненне Сіл абароны Украіны. Сярод галоўных напрамкаў дапамогі – супрацьпаветраная абарона, беспілотнікі і боепрыпасы.

Асобна ўкраінскі бок прадставіў партнёрам План вайны, згодна з якім дзейнічаюць Сілы абароны.

Па выніках сустрэчы краіны-партнёры абвясцілі пра новыя ўнёскі дзеля падтрымкі Украіны на полі бою.

У прыватнасці, Польшча рыхтуе новы пакет дапамогі агульным коштам 50 млн еўра. Частка гэтай падтрымкі будзе накіраваная на сродкі СПА.