Танная нафта пазбаўляе Расею, Венесуэлу і Іран палітычнага ўплыву

• 21.10.2008, 16:09

Расея, Венесуэла і Іран рызыкуюць страціць палітычны ўплыў у выніку падзення коштаў на нафту, піша газета «The New York Times».

Гэтыя тры багатыя на нафту краіны выкарыстаюць "дыпламатыю чэкавай кніжкі для пасоўвання сваіх ідэалагічных праграмаў, паслабляючы гегемонію ЗША", сцвярджаюць журналісты «New York Times», і далейшае патанненне нафты можа прывесці да дэфіцыту іх бюджэтаў, у выніку якога ўрадам прыйдзецца памяняць прыярытэты і заняцца ўнутранымі праблемамі.

Апошні час узмацніліся перасцярогі эканамічнага крызісу ў Венесуэле, бо скарачаюцца замежныя інвестыцыі, дзяржаўныя фінансы не паддаюцца праверцы, і паўднёваамерыканская краіна ўсё больш і больш трапляе ў залежнасць ад продажу нафты. Іран выкарыстае нафтавыя прыбыткі для павелічэння дзяржаўных выдаткаў, спрабуючы ўтаймаваць 30-адсоткавую інфляцыю, гаворыцца ў артыкуле.

Расея валодае крыху больш высокай стабільнасцю і, верагодна, зможа выстаяць падчас падзення коштаў на нафту, паколькі расейскі ўрад аддае перавагу кансерватыўнай эканамічнай палітыцы і перакладае прыбыткі ад продажу рэсурсаў у стабілізацыйныя фонды, сума якіх на пачатак месяца складала 190 млрд дал.

Пакуль незразумела, ці з'явяцца ў ЗША дадатковыя магчымасці прыслабіць напружанне на сусветнай палітычнай арэне ці "лідэры трох краінаў будуць па-ранейшаму выступаць з гнеўнымі прамовам, нягледзячы на немагчымасць наступных правакатарскіх дзеянняў з іх боку". Цалкам верагодна, што кіраўніцтва гэтых трох краінаў палічыць, што Злучаныя Штаты, якія пакутуюць ад крызісу, сталі больш слабымі, робяць выснову журналісты выдання.