У Маскве заўважылі дзіўны рух вайсковай тэхнікі

• 17.10.2026, 8:53

Каля Крэмля — незвычайная актыўнасць.

Увечары 15 і 16 кастрычніка ў Маскве адбыліся некалькі загадкавых падзей, якія пакідаюць шмат пытанняў. Спачатку ўначы каля Крэмля заўважылі ажыўлены рух картэжаў членаў урада, уключаючы прэм'ер-міністра Міхаіла Мішусціна, а таксама сілавікоў. Затым раніцай у бок расійскай сталіцы рухалася калона вайсковай тэхнікі. Пра гэта паведамляе расійскі праект «ВЧК-ОГПУ».

«У Крамлі бліжэй да ночы жыццё проста кіпіць. Пасля ад'езду картэжу Мішусціна пачалі прыбываць картэжы сілавікоў, у прыватнасці падобны на картэж дырэктара ФСБ. Адначасова з Крэмля на мост выехаў той самы браневік СБП», — напісаў праект у чацвер познім вечарам.

Сёння ж з'явіліся паведамленні, што раніцай відавочцы бачылі, як з адной з падмаскоўных вайсковых частак у Маскву накіроўвалася калона браневікоў і зенітак.

Паводле звестак «ВЧК-ОГПУ», палову папярэдняй ночы ў Крамлі было вельмі ажыўлена: адзін за адным пад'язджалі картэжы з членамі ўрада і кіраўнікамі сілавых ведамстваў.

З чым звязаная актыўнасць расійскага кіраўніцтва, не ўдакладняецца. Невядомыя і мэты руху калоны вайсковай тэхнікі.