Польшчу ўзброяць вучэбнымі версіямі ракет Patriot

• 3.12.2009, 15:00

Амерыканскія зенітныя ракетныя комплексы Patriot у вучэбнай версіі будуць пастаўляцца ў Польшчу аж да 2012 года.

Пра гэта, як паведамляе ИТАР-ТАСС, заявіў прадстаўнік Пентагона Аляксандр Вершбоу. Пасля 2012 года польскія ўзброеныя сілы пачнуць атрымліваць баявыя версіі Patriot.

Як чакаецца, Польшча будзе атрымліваць доступ да вучэбных ЗРК Patriot на адзін месяц адзін раз у квартал. Паводле ўсталяванага графіка, першая батарэя ракет Patriot з вучэбнымі боегалоўкамі паступіць у распараджэнне польскай арміі ў канцы першага квартала 2010 года.

27 лістапада 2009 года стала вядома, што ЗША і Польшча дасягнулі дамоўленасці аб размяшчэнні ЗРК Patriot недалёка ад Варшавы. Спачатку гаворка ішла пра вучэбныя комплексы, але пазней Вашынгтон пацвердзіў намер паставіць баявую тэхніку.

Акрамя таго, ЗША і Польшча дамовіліся аб статусе амерыканскіх войскаў у Польшчы. Пагадненне аб статусе ўзброеных сіл SOFA (Status of Forces Agreement) вызначае рамкі ўзаемаадносін амерыканскіх войскаў з краінамі, на тэрыторыі якіх размяшчаюцца іх часткі. У прыватнасці, у дакуменце прапісаны механізм выплаты падаткаў амерыканскімі вайскоўцамі, а таксама то, пад чыю юрысдыкцыю падпадаюць вайскоўцы ў выпадку здзяйснення злачынства.