Інспектар ДПС загінуў у аварыі ў Гародні

• 8.12.2009, 10:09

Па факце смерці інспектара дарожна-паставой службы ў дарожна-транспартным здарэнні ў Гародні ўзбуджаная крымінальная справа.

Пра гэта паведамілі агенцтву «Інтэрфакс» ва УДАІ міністэрства ўнутраных справаў Беларусі.

«У Гародні ў ДТЗ загінуў інспектар ДПС, які, кіруючы аўтамабілем, ехаў на месца здарэння», - удакладнілі ва УДАІ.

Папярэдне ўсталявана, што інспектар ДПС, каб пазбегнуць сутыкнення з іншым транспартным сродкам, здзейсніў манеўр - у выніку адбылося сутыкненне з дрэвам, перакульванне і з'езд у кювет, паведамілі ў ДАІ.

Узбуджаная крымінальная справа.

За мінулыя суткі ў Беларусі ў ДТЗ загінулі 3 чалавекі, параненыя 21, усяго было здзейснена больш за 300 ДТЗ, паведамілі ў ДАІ.