Каля «Дынама» зноў велізарныя чэргі (Фота)

• 25.09.2009, 10:57

25 верасня ў 10 раніцы пачаўся продаж квіткоў на матч групавога этапу «Лігі Еўропы» «БАТЭ» – «Эвертон», які адбудзецца ў Менску 1 кастрычніка.

Як паведамляе газета «Наша Ніва», каля касаў менскага стадыёна зноў утварыліся велізарныя чэргі за квіткамі на футбольны матч.

У адны рукі будуць прадаваць не больш за чатыры квіткі. Кошт: 10 тыс., 25 тыс.. 40 тыс. рублёў.

«Мы тут з пяці раніцы стаім», -- кажуць аматары футбола, якія стаяць каля касаў. Асноўная маса жадаючых набыць квіткі, паводле іх словаў, пачала збірацца ў 7 гадзінаў раніцы. Праўда, чарга ўсёткі крыху меншая, чым у мінулым лістападзе на матч з «Рэалам».

Сёння квіткі можна будзе таксама набыць і ў Барысаве. Там будзе арганізаваная асобная чарга для ўладальнікаў абанементаў.