За смецце міма скрыні будуць штрафаваць

• 3.06.2010, 15:26

У Беларусі плануецца ўзмацніць адміністрацыйную адказнасць грамадзян за выкід смецця ў неналежным месцы.

Пра гэта паведаміла сёння на прэс-канферэнцыі урач-гігіеніст аддзялення камунальнай гігіены Рэспубліканскага цэнтра гігіены, эпідэміялогіі і грамадскага здароўя Ірына Жевняк, паведамляе БелТА.

Па словах спецыяліста, ёсць адпаведнае даручэнне Савета Міністраў. «Зараз гэтае пытанне разглядаюць сумесна міністэрства аховы здароўя, прыродных рэсурсаў і аховы навакольнага асяроддзя, МУС і іншыя», - сказала Ірына Жевняк. Аднак, дадала яна, нявырашаным застаецца пытанне, хто будзе штрафаваць чалавека, які, да прыкладу, на прыпынку кінуў смецце міма скрыні.

У сваю чаргу начальнік аддзела выкарыстання і аховы вод Міністэрства прыродных рэсурсаў і аховы навакольнага асяроддзя Таццяна Сліж патлумачыла, што гаворка ідзе аб так званым дробным смецці, які па класіфікацыі не адносіцца да адходаў, г.зн. дробнае бытавое смецце. Па яе словах, самымі праблемнымі месцамі ў гэтым дачыненні з'яўляюцца пляжы, прыпынкі, прыгарадныя і лесапаркавай зоны. Начальнік аддзела адзначыла, што, да прыкладу, ва Ўкраіне за кінуты міма скрыні акурак могуць аштрафаваць на 180 грыўняў.