Расеец памёр у менскай маршрутцы ад спякоты

• 12.07.2010, 10:46

Смерць наступіла ад сардэчнага прыступу - у «маршрутцы» відавочна не было кандыцыянэра.

Грамадзянін Расеі, які прыехаў у госці ў Беларусь, раптоўна памер у маршрутным таксі «Полацк-Менск», паведаміў агенцтву «Інтэрфакс» у панядзелак старэйшы памочнік пракурора Менска Сяргей Балашоў.

«У маршрутным таксі «Полацк-Менск» раптоўна памёр 60-гадовы жыхар Санкт-Пецярбурга. Па папярэдняй інфармацыі, смерць наступіла ў выніку сардэчнай недастатковасці», паведаміў Балашоў.

Ён адзначыў, што смерць адбылася, калі маршрутнае таксі прыехала з Полацка ў Менск.

Расеец знаходзіўся ў Беларусі з 8 ліпеня, ён прыехаў у госці, удакладніў суразмоўца агенцыі.