Улады Наваполацка спужаліся маршу нязгодных

• 20.06.2011, 9:17

У цэнтры Наваполацка 18-19 чэрвеня былі затрыманыя актывісты апазіцыі.

Яны збіраліся прыняць удзел у маршы нязгодных з нагоды шасці месяцаў з дня прэзідэнцкіх выбараў, піша БелаПАН.

Супрацоўнікі сілавых ведамстваў затрымалі Алега Крайко, які ўзначальвае мясцовы аргкамітэт БХД, Іллю Багданава і Андрэя Дуброўскага, паведамляе прэс-служба аргкамітэта.

Днём раней у горадзе быў затрыманы Яўген Канстанцінаў - прадстаўнік каманды кандыдата на прэзідэнцкіх выбарах-2010 Андрэя Саннікава.