Памежнік браў хабары праз жонку

• 13.07.2012, 12:15

Упраўленнем Следчага камітэта па Брэсцкай вобласці распачата крымінальная справа ў дачыненні да жонкі былога намесніка начальніка ОПК «Варшаўскі мост».

Як нагадвае «Ежедневник», раней у студзені бягучага года Упраўленнем следчага камітэта па Брэсцкай вобласці была ўзбуджана крымінальная справа ў дачыненні да маёра памежных войскаў, які займаў пасаду намесніка начальніка прапускнога пункта «Варшаўскі мост».

Падазраванаму інкрымінавалася атрыманне хабару за станоўчае вырашэнне пытання аб пропуску па-за чаргой і без дагляду грузавых аўтамабіляў.

У ходзе расследавання крымінальнай справы было выяўлена некалькі фактаў атрымання хабараў ад прадпрымальнікаў Брэста. Але самае цікавае, што ўся карупцыйная схема на брэсцкай мяжы была арганізавана праз жонку падазраванага.

Па сутнасці, прадпрымальнікі ішлі днём да памежніка, размаўлялі з яго жонкай, плацілі грошы, а тая ўжо казала мужу, калі і каго трэба прапусціць. Як было ўстаноўлена ў працэсе расследавання крымінальнай справы, у лістападзе і снежні 2011 года жонка маёра прыняла ад чатырох прадпрымальнікаў Брэста больш за 1 тысячы даляраў.

Грошы перадаваліся для мужа, які павінен быў станоўча вырашыць пытанне аб пазачарговым уездзе ў пункт пропуску Брэст «ОПК «Варшаўскі мост» в/ч 2187 без перанапраўлення на «Чырвоны канал».

Расследаванне па справе працягваецца.