Венгерскаму камуністу прыйдзецца адказаць за рэпрэсіі

• 10.09.2012, 17:30

Аднаго з лідэраў кампартыі абвінавачваюць у загадзе страляць па мірных дэманстрантах.

Пракуратура Венгрыі затрымала 91-гадовага былога высокапастаўленага функцыянера Кампартыі, які падазраецца ў датычнасці да падаўлення антысавецкіх дэманстрацый у Будапешце ў 1956 годзе, перадае ВВС.

На думку пракурораў, Бэла Біжку таксама аддаваў загады вайскоўцам страляць па ўдзельніках пратэстаў.

У выніку расстрэлу дэманстрацый у Венгрыі восенню 1956 загінулі больш за 50 чалавек.

Бэла Біжку адмаўляе ўсе абвінавачванні ў свой адрас.