У Беларусі вырасла колькасць тых, хто жыве на $50 у месяц і менш
- 27.06.2018, 20:28
Больш за ўсё тых, хто штомесяц мае такую невялікую суму, пражывае ў Гомельскай і Магілёўскай абласцях.
У Беларусі, паводле афіцыйнай статыстыкі, скарачаецца колькасць людзей, якія жывуць за мяжой беднасці - яны штомесяц маюць суму меншую за бюджэт пражытачнага мінімуму (203,4 рубля ў першым квартале гэтага года). Пры гэтым вырасла колькасць тых, хто валодае паловай гэтай сумы і менш. Tut.by паглядзеў, у якім рэгіёне больш за ўсё людзей, якія жывуць на палову БПМ (101,7 рубля) і менш.
На канец сакавіка ў Беларусі пражывала 9 мільёнаў 484,3 тысячы чалавек. За рысай беднасці ў першым квартале гэтага года знаходзілася 5,6% насельніцтва, або блізу 531 тысячы чалавек. Годам раней - 5,8%, або блізу 551 тысячы чалавек.
І калі ў цэлым колькасць беднякоў за год скарацілася, то колькасць тых, хто штомесяц мае суму ў палову БПМ і менш, павялічылася: з 0,2%, або блізу 19 тысяч чалавек, у першым квартале мінулага года да 0,3%, або блізу 28,5 тысячы чалавек, сёлета.
Тых, хто жыве на палову БПМ і менш, паводле афіцыйнай статыстыкі, няма ў Менску і дзвюх абласцях - Гарадзенскай і Берасцейскай. Больш жа за ўсё тых, хто штомесяц мае такую невялікай сумай, пражывае ў Гомельскай - 1,1% насельніцтва, або амаль 15,6 тысячы чалавек, а таксама ў Магілёўскай - 0,4%, або 6,3 тысячы чалавек.
| Регион | всего за чертой бедности | из них меньше половины БПМ | из них от половины до полного БПМ |
| Гомельская область | 8,1 | 1,1 | 6,9 |
| Гродненская | 4,9 | 0 | 4,9 |
| Могилевская | 7,5 | 0,6 | 6,9 |
| Минск | 1,5 | 0 | 1,5 |
| Минская | 5,3 | 0,2 | 5,1 |
| Брестская | 8,4 | 0 | 8,4 |
| Витебская | 7,1 | 0,4 | 6,7 |
| по стране | 5,9 | 0,3 | 5,6 |