У Эстонію даставілі 18 брытанскіх танкаў

• 28.10.2019, 21:47

У наступныя тыдні чакаецца прыбыццё 200 адзінак баявой тэхнікі і 800 брытанскіх салдат.

У Эстонію, ў вайсковы гарадок у Тапа, прыбыла першая партыя брытанскай баявой тэхнікі, у тым ліку 18 танкаў Challenger, у рамках вучэнняў NATO Tractable. Пра гэта паведамляе rus.err.ee.

Паведамляецца, што ўсяго ў наступныя тыдні чакаецца прыбыццё 200 адзінак баявой тэхнікі і 800 брытанскіх салдат.

«Падобныя вучэнні патрэбныя для таго, каб, калі аднойчы і напраўду спатрэбіцца, усё працавала як гадзіннік. І, па-другое, каб нашаму імавернаму супраціўніку яскрава было бачна, што перасоўванне зробленае, што ёсць сродкі і ўменне і ў выпадку неабходнасці будзем дзейнічаць хутка», - гаворыцца ў паведамленні.

Раней галоўны штаб паведамляў, што ўсяго на вучэнні з Вялікабрытаніі скіравана 200 адзінак тэхнікі і 800 салдат і афіцэраў, якія заменяць брытанскі кантынгент баявой групы NATO, які базуецца ў Эстоніі.

У адрозненне ад звычайнай ратацыі дыслакаваных у Эстоніі войскаў NATO, вучэнні адрозніваюцца маштабамі і складанасцю аперацыі, растлумачылі ў Галоўным штабе.

Адзначым, што Вялікабрытанія ўзначальвае размешчаны ў Эстоніі батальён NATO агульнай колькасцю 1200 чалавек з цяжкай баявой тэхнікай.