Менскае «Тарпеда» здымаецца з чэмпіянату Беларусі

• 3.08.2019, 21:10

У астатніх матчах чэмпіянату аўтазаводцам будзе залічана тэхнічная параза з лікам 0:3.

Галоўны трэнер сталічнай каманды Уладзімір Нявінскі адзначыў, што «Тарпеда» свой шлях скончыла», піша pressball.by.

Такім чынам, у астатніх матчах вышэйшай лігі «аўтазаводцам» будзе залічана тэхнічная параза з лікам 0:3. Згодна з рэгламентам чэмпіянату, камандзе, якая правяла 50 і больш працэнтаў матчаў і здымаецца з чэмпіянату, у наступным залічваецца тэхнічная параза.

Зноў жа, у адпаведнасці з рэгламентам, юрыдычна зняцце «Тарпеда» з чэмпіянату павінен зацвердзіць выканкам БФФ. Што, відавочна, будзе зроблена на найбліжэйшым пасяджэнні.