Калі Украіна ўдарыць па Керчанскім мосце

• 28.07.2022, 21:22

Адказ сакратара РНБА.

Узброеныя сілы Украіны ўдараць па Керчанскім мосце, калі будзе пастаўленая адпаведная ваенная задача.

Пра гэта паведамляе РБК-Украіна са спасылкай на заяву сакратара РНБА Аляксея Данілава ў эфіры NTA.

"У выпадку неабходнасці гэтую пастанову прымуць вайскоўцы. Што датычыцца Крымскага моста або іншай інфраструктуры, паверце, усё знаходзіцца пад пільным кантролем. Як толькі будзе неабходнасць, магчымасць і заданне – усё будзе зроблена і не толькі датычна гэтага аб'екта", – адзначыў ён.

Паводле ягоных словаў, ваенны поспех будзе залежаць ад таго, наколькі хутка партнёры будуць пастаўляць сучаснае ўзбраенне.