УСУ з дапамогай дрона Vampire знішчылі варожы склад на Бахмуцкім кірунку

• 21.08.2023, 20:15

Відэафакт.

Украінскія дроны Vampire падбілі расейскі склад і баявую браняваную машыну на Бахмуцкім кірунку.

Пра гэта паведамляе РБК-Украіна са спасылкай на міністра лічбавай трансфармацыі Міхаіла Фёдарава.

«Баявую задачу выканала падраздзяленне CODE 9.2. Падчас місіі расейцы спрабавалі пасадзіць “птушачку” дзякуючы РЭБу», – гаворыцца ў паведамленні.

Фёдараў дадаў, што дрон эфектыўна адпрацаваў і вярнуўся дадому.

«Крута, што беспілотнік менавіта ўкраінскай вытворчасці паказаў такі магутны вынік. Прадаўжаем працаваць, каб нашыя вытворцы дронаў мелі ўсе магчымасці для развіцця і маштабавання», – напісаў міністр.