Ашуканцы «развялі» мянчанку на 2500 рублёў

• 19.01.2024, 21:42

На гэты раз працаваў «супрацоўнік мытні».

Мянчанка адправіла ашуканцамі 2500 тысячаў рублёў, каб забраць з мытні «падарунак» ад замежніка, паведамілі ў прэс-службе ГУУС Менгарвыканкама.

У міліцыю звярнулася мянчанка, якая перавяла на рахунак аферыстаў блізу 2500 рублёў. Жанчына расказала, што перапісвалася ў мэсэнджары з іншаземцам, які на знак увагі выслаў ёй каштоўны падарунак. Пазней заяўніцы прыйшло паведамленне ад нібыта супрацоўніка мытні, які пацвердзіў прыбыццё з-за мяжы пасылкі з 10000 даляраў.

«Мытнік» агучыў умову: для таго каб забраць бандэроль, жанчыне неабходна задэклараваць падораныя грошы.

Мянчанка паверыла і перавяла на ўказаны рахунак «мыту» памерам блізу 2500 беларускіх рублёў. Пасля гэтага пацярпелую папрасілі зрабіць яшчэ адзін плацеж. Гэта падалося ёй падазроным – яна звярнулася ў міліцыю.

Паводле факту махлярства распачалі крымінальную справу.