У Фінляндыі закончыўся першы тур выбараў прэзідэнта

• 28.01.2024, 21:48

Лідэруе былы прэм'ер-міністр краіны.

Сёння, 28 студзеня, у Фінляндыі закончыўся першы тур прэзідэнцкіх выбараў.

Пра гэта паведамляе Yle.

Паводле звестак галасавання лідэрам быў Аляксандр Стуб з вынікам 28,3% галасоў. На другім месцы Пэка Гаавіста з 25,8%.

На трэцім месцы — Юсі Гала-ахо з 16,1%, а на чацвёртым месцы — Олі Рэн з 15,5%.

Аднак падлік галасоў яшчэ доўжыцца і ўсё яшчэ можа змяніцца.

Цяпер у лідэрах былы прэм'ер-міністр Фінляндыі Аляксандр Стуб, які з'яўляецца цяпер прафесарам і дырэктарам Інстытута Еўрапейскага ўніверсітэта ў Фларэнцыі, займаў некалькі міністэрскіх пасад да прэм'ерства ў 2014-2015 гадах.

Другое месца з нязначным адрывам цяпер заняў былы міністр замежных спраў Фінляндыі Пэка Гаавіста.