У Нямеччыне лекары ўніверсітэцкіх клінік правялі страйк

• 30.01.2024, 21:34

Прафсаюз лекараў дабіваецца павышэння даплат за працу па начах, выходных і святах.

Тысячы лекараў нямецкіх універсітэцкіх клінік прынялі ў аўторак, 30 студзеня, удзел у папераджальнай забастоўцы. Паводле звестак прафзвязу лекараў «Марбургскі саюз», толькі на цэнтральны мітынг стачкі ў Гановеры прыбылі 5 тысяч медыкаў з усёй Нямеччыны. Акцыі прайшлі таксама ў Фрайбургу, Цюбінгене, Гейдэльбергу, Мюнхене, Ене, Ахене, Кёльне і іншых гарадах, паведамляе DW.

Прафзвяз заклікаў да аднадзённай папераджальнай забастоўкі ў 23 бальніцах, якія належаць федэральным землям, каб аказаць ціск на працадаўцаў падчас бягучых перамоў аб заробку. Тры раўнды перамоваў аб павышэнні заробку больш за 20 000 лекараў універсітэцкіх клінік дагэтуль не ўвянчаліся поспехам.

«Марбургскі саюз» дамагаецца павышэння даплат за працу ў начны час, у выходныя і святочныя дні, а таксама 12,5-працэнтнага павышэння заробкаў па выніках года.

У шэрагу ўніверсітэцкіх клінік (у Бэрліне, Гамбургу і Гесэне) дзейнічаюць іншыя калектыўныя дамовы для лекараў, таму тарыфныя перамовы іх не закранаюць. Унутраныя калектыўныя дамовы дзейнічаюць таксама ва ўніверсітэцкіх клініках Дрэздэна і Майнца – перамовы па іх вядуць зямельныя асацыяцыі Marburger Bund.