ЗСУ ліквідавалі вядомага ваеннага злачынцу з Санкт-Пецярбурга

• 17.10.2026, 15:10

Ён ваяваў супраць Украіны з 2014 года.

Украінскі журналіст Дзяніс Казанскі паведаміў пра смерць ваеннага злачынцы Руслана Псеуша з Санкт-Пецярбурга, які ваяваў супраць Украіны з 2014 года. Казанскі таксама сцвярджае, што Псеуш здзекваўся з целаў загінулых украінскіх вайскоўцаў і заклікаў знішчыць усіх украінцаў.

У сваёй публікацыі журналіст нагадаў пра надзвычай радыкальныя выказванні Псеуша на адрас усяго ўкраінскага народа. Ён адзначыў, што ўдзельнікі вайны супраць Украіны, у тым ліку тыя, хто вызначаўся асаблівай жорсткасцю, гінуць адзін за адным.

Абставіны гібелі Псеуша ў паведамленні Казанскага цалкам не раскрытыя. У апублікаваных ім матэрыялах толькі згадваецца, што баевік мог загінуць яшчэ ў 2025 годзе.

Акрамя таго, журналіст спасылаецца на неафіцыйныя каментары ў сацсетках, дзе невядомыя людзі, нібыта знаёмыя з Псеушам, кажуць пра яго смерць.