Эксперт распавёў, дзе і калі разгорзіцца вялікая вайна з сухапутным уварваннем

• 18.10.2026, 2:30

Ключавая дата звязаная з выбарамі ў ЗША.

Трамп да выбараў у лістападзе не будзе прадпрымаць ніякіх канкрэтных дзеянняў, а потым, хутчэй за ўсё, пойдзе вялікай вайной на Іран, распачаўшы сухапутную аперацыю, спрагназаваў журналіст Іван Яковіна. Ваяваць восенню ў такіх краінах, як Іран, больш зручна, бо не так горача, як летам або вясной.

Сваімі разважаннямі журналіст падзяліўся з гледачамі YouTube-канала «І грымнуў Грэм».

«Цяпер Трамп нічога не будзе рабіць, таму што прамежкавыя выбары, а далей, думаю, адзінае, на што ён пойдзе, — гэта на вялікую вайну з Іранам. Я практычна не сумняваюся, што там будзе сухапутнае ўварванне і ўсё астатняе. Думаю, гэта будзе дзесьці пасля амерыканскіх выбараў, бо якраз у Іране будзе не так горача, як летам або вясной, і для амерыканскіх войскаў будзе больш-менш прымальнае надвор'е для правядзення аперацый, прынамсі на ўзбярэжжы Пэрсідскага заліва. Там будзе не так горача, як звычайна. Думаю, амерыканцы гэтым скарыстаюцца і туды палезуць. Не толькі ваяваць, але і што заўгодна рабіць пры +20 значна лепш, чым пры +50», — выказаў сваё меркаванне Яковіна.

Таксама палітычны аглядальнік адказаў на пытанне, ці могуць Украіне дазволіць выкарыстоўваць Starlink у глыбіні расійскай тэрыторыі ў абмен на спыненне удараў па НПЗ: «Надзея ёсць заўсёды, але яна вельмі прывідная. Задача Трампа не ў тым, каб ураўнаваць сілы Украіны і Расіі, а ў тым, каб дапамагчы Расіі перамагчы, то-бок тут цалкам зразумела, чаго ён дамагаецца. Вядома, я не ўяўляю сабе, з якога лешага ён будзе дапамагаць Украіне адбівацца ад расійскіх ракетных удараў. Не будзе, вядома. Яму гэта нецікава, яму гэта не трэба, таму надзея на такую здзелку мінімальная».