Папа Рымскі ўпершыню пасля аперацыі з'явіўся на публіцы

• 18.10.2026, 15:38

Леў XIV прачытаў нядзельную казань у Ватыкане.

Папа Рымскі Леў XIV прачытаў нядзельную казань у Ватыкане, куды вярнуўся напярэдадні пасля аперацыі на лёгкім. Ён падзякаваў лекарам, медсястрам і астатняму медыцынскаму персаналу клінікі «Джэмелі», дзе яго прааперыравалі, паведамляе Vatican News.

«Гэты досвед дазволіў мне па-асабліваму адчуць блізкасць да ўсіх, хто перажывае хваробу або немач», — сказаў пантыфік. Ён дадаў, што будзе паступова вяртацца да звыклых спраў.

Аўдыенцыі Папы Рымскага адмененыя да 20 кастрычніка. Ён вярнуўся ў Ватыкан напярэдадні пасля таго, як некалькі дзён аднаўляўся ў рымскай клініцы. Лекары выдалілі ніжнюю долю ягонага правага лёгкага. Наступнае гісталагічнае даследаванне пацвердзіла, што ў тканках знаходзілася злаякасная пухліна — адэнакарцынома.