Да +17°C чакаецца ў Беларусі 19 кастрычніка

• 18.10.2026, 19:08

Прайдуць невялікія дажджы.

У Беларусі ў панядзелак, 19 кастрычніка, чакаецца зменная воблачнасць і да +17 градусаў цяпла ўдзень, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Заўтра ў рэспубліцы прагназуюць зменную воблачнасць. Пераважна на поўдні краіны чакаюцца дажджы. Будзе дзьмуць паўночна-ўсходні вецер, умераны, месцамі парывісты.

Тэмпература паветра ўначы будзе вагацца ад +6 да +12 градусаў, месцамі — +3–5 °C. Удзень тэмпература падымецца да 9–14 градусаў вышэй за нуль, а на паўднёва-ўсходзе паветра прагрэецца да +17 градусаў.