Рубіа выступіў супраць тэзіса Трампа

• 19.10.2026, 12:10

Выбары ва Украіне — не галоўнае.

Пытанне выбараў ва Украіне важнае, але не з’яўляецца ключавой прычынай працягу вайны. Пра гэта заявіў дзяржаўны сакратар ЗША Марка Рубіа, выступіўшы супраць аднаго з ключавых тэзісаў Дональда Трампа, перадае ClashReport.

«Паслухайце, падымаецца пытанне аб выбарах, і я не кажу, што яно неважнае. Але гэта не з’яўляецца асноўнай прычынай таго, чаму вайна дагэтуль працягваецца», — сказаў Рубіа.

Ён наўпрост не абвінаваціў Украіну ў эскалацыі ўдараў па РФ, аднак намякнуў на гэта, спаслаўшыся на скаргі амерыканскіх прадпрымальнікаў.

Раней прэзідэнт ЗША Дональд Трамп чарговы раз абвінаваціў прэзідэнта Украіны Уладзіміра Зяленскага у адсутнасці жадання завяршыць вайну. Трамп таксама заявіў, што Украіна нібыта магла заключыць больш выгаднае пагадненне аб спыненні вайны два гады таму, тады як цяпер, паводле яго слоў, яна нібыта страціла «моры і акіяны».