Папа рымскі патэлефанаваў Зяленскаму

• 19.10.2026, 20:42

Пантыфік абмеркаваў з прэзідэнтам Украіны гуманітарную дапамогу жыхарам Алешак.

Папа рымскі Леў XIV пагаварыў па тэлефоне з прэзідэнтам Украіны Уладзімірам Зяленскім, паведамляе афіцыйны навінавы партал Ватыкана.

Пантыфік назваў сітуацыю ў горадзе цяжкай. Бакам канфлікту, на яго думку, варта сумесна арганізаваць дастаўку прадуктаў харчавання і медыцынскай дапамогі, а таксама правесці эвакуацыю жыхароў.

Папа рымскі паведаміў Зяленскаму пра нядаўнюю тэлефонную размову з расійскім дыктатарам Уладзімірам Пуціным. Тады ён заклікаў да лакальнага спынення агню і прапанаваў дапамогу ў дыялогу па гэтым пытанні.

Алешкі знаходзяцца на левым беразе Дняпра, менш як за 10 км ад Херсона. Да пачатку вайны ў горадзе пражывала звыш 20 тыс. чалавек.

Летам 2023 года горад апынуўся амаль цалкам затопленым пасля разбурэння расійскімі акупантамі Кахоўскай ГЭС.