Зяленскі сустрэўся з прадстаўнікамі Lockheed Martin

• 19.10.2026, 21:29

Кампанія выпускае сістэмы Patriot і знішчальнікі F-16.

Прэзідэнт Украіны Уладзімір Зяленскі правёў сустрэчу з камандай амерыканскай абароннай кампаніі Lockheed Martin — вытворцам сістэм Patriot і знішчальнікаў F-16.

Пра гэта Зяленскі паведаміў у панядзелак, 19 кастрычніка.

У сваёй публікацыі ў Telegram ён назваў Lockheed Martin «кампаніяй, якая дапамагае ратаваць жыцці», бо менавіта яе прадукцыя забяспечвае абарону ад расійскіх балістычных ракет і рэактыўных дронаў.

«З абодвума напрамкамі цяпер няпроста. Абмеркавалі, як мы можам пашырыць і павялічыць пастаўкі», — адзначыў Зяленскі.

Ён паведаміў, што Lockheed Martin цяпер нарошчвае вытворчасць перахопнікаў балістычных ракет і што Украіна разлічвае набыць больш такіх перахопнікаў.

Таксама, паводле слоў Уладзіміра Зяленскага, украінскі бок імкнецца дамагчыся, каб абслугоўванне і рамонт самалётаў F-16 ажыццяўляліся ва Украіне.

16 кастрычніка прэзідэнт Украіны Уладзімір Зяленскі падчас візіту ў Брусэль заявіў, што Кіеў разлічвае на пастаўкі з Бельгіі знішчальнікаў F-16 і баяпрыпасаў да іх. Бельгійскі прэм'ер Барт дэ Вевер пасля сустрэчы з Зяленскім на палях саміту ЕС паведаміў, што ягоная краіна плануе перадаць Украіне 10 знішчальнікаў F-16 да канца 2026 года.