На літоўска-беларускай мяжы збілі два дроны

• 20.10.2026, 8:58

БПЛА пераносілі цыгарэты.

Літоўскія памежнікі збілі два дроны з кантрабанднымі цыгарэтамі, якія прыляцелі з Беларусі, паведаміла Служба аховы дзяржаўнай мяжы Літвы.

Першы беспілотнік збілі каля вёскі Думбле: ён упаў у 290 метрах ад мяжы з Беларуссю. Да дрона быў прымацаваны свёртак са 100 пачкамі цыгарэт NZ Gold з беларускімі акцызнымі маркамі.

Другі дрон заўважылі паблізу вёскі Даўгідоніс, ён упаў у кіламетры ад мяжы. Разам з ім на зямлю ўпалі 750 пачкаў цыгарэт Minsk 5 Superslims, таксама з беларускімі акцызнымі маркамі.

Агульны кошт выяўленых цыгарэт складае каля 4,7 тысячы еўра. Па двух фактах распачаты адміністрацыйныя вытворчасці.