Каспараў сфармуляваў галоўную ўмову завяршэння вайны адным сказам

• 2.11.2026, 8:00

Еўропе трэба зрабіць выбар.

Адзін з лідараў расійскай апазіцыі, экс-чэмпіён свету па шахматах Гары Каспараў лічыць, што вайна ва Украіне скончыцца хутчэй, калі Еўропа адкрыта заявіць: Украіна павінна перамагчы, а Расія — прайграць. На яго думку, за такімі словамі адразу пойдуць практычныя крокі, якія наблізяць канец баявых дзеянняў. Але еўрапейскія лідары пакуль нават у думках не дапускаюць паразы Расіі: ім здаецца, што яна абернецца маштабнай катастрофай.

Сваё бачанне расійскі апазіцыянер выклаў у інтэрв’ю YouTube-каналу «Форум свабоднай Расіі». Цяперашнюю нахабнасць Масквы ён тлумачыць беспакаранасцю: «Сёння Расія паводзіць сябе выклічна, бо за гэта нічога не бывае. Вось я гляджу, як на саміт «Вялікай дваццаткі» прыязджае Лаўроў, самазадаволены і адкормлены. Яго там, вядома, байкатуюць і дэманстратыўна не заўважаюць. Будзь Еўропа смялей, яна б увогуле не паехала на гэты саміт. Мне было б цікава ўбачыць, як Трамп будзе сядзець там удваіх з Лаўровым. Трэба паказаць, што гэта недапушчальна, а яны ўсё адно шукаюць нейкі кампраміс», — абураецца Каспараў.

Што менавіта павінна зрабіць Еўропа, палітык таксама патлумачыў: «Няма выразнага пасылу. Дастаткова прамовіць адну няпростую фразу: „Украіна павінна перамагчы, а Расія павінна прайграць“. Але такой формулы няма. Словы „Украіна павінна перамагчы“ вымаўляюцца з вялізнай цяжкасцю, а думка пра тое, што Расія павінна прайграць, для іх наогул немысцімая — свет бы абрынуўся. Яны цвердзяць: „Давайце весці перамовы“. Пра што весці перамовы?»