Пад Самарай атакаваны адзін з найбуйнейшых у Еўропе нафтавых рэзервуарных паркаў

• 2.11.2026, 8:46

Паспяховая атака ЗСУ.

З боку лінейнай вытворча-дыспетчарскай станцыі «Самара» у Самарскай вобласці Расіі падымаецца чорны дым. Пра гэта паведамляе ASTRA са спасылкай на ўласны OSINT-аналіз. Аб’ект уваходзіць у сістэму магістральнага трубаправоднага транспарту нафты ў Расіі і лічыцца крытычна важным элементам інфраструктуры.

Афіцыйна ўлады пра атаку не заяўлялі. Аднак мясцовыя жыхары распавядалі, што чулі выбухі і бачылі слуп дыму над тэрыторыяй ЛПДС. Фота дыму ў бок станцыі даслалі чытачы ASTRA, а OSINT-аналітык выдання верыфікаваў здымак: ён зроблены на Новым мосце ў Самары.

ЛПДС «Самара» — адзін з найбуйнейшых рэзервуарных паркаў у Еўропе. На станцыі 71 рэзервуар, а сумарны аб’ём захоўвання перавышае 1,6 млн кубаметраў нафты.

Аб’ект ужо неаднаразова падвяргаўся атакам у кастрычніку 2026 года. Ўдары і маштабныя пажары фіксаваліся 2, 7, 10 і 11 кастрычніка. 7 кастрычніка, як сцвярджаецца, было пацверджана знішчэнне чатырох рэзервуараў РВС-50000 і ўзнікненне буйнога пажару на станцыі.