На гэтым тыдні беларусаў чакае скарочаны працоўны дзень

• 2.11.2026, 11:21

Пра гэта нагадала Мінпрацы.

У Міністэрстве працы і сацыяльнай абароны нагадалі беларусам, што 6 лістапада — скарочаны працоўны дзень перад святам.

У ведамстве адзначылі, што 7 лістапада (субота) ў Беларусі адзначаецца Дзень Кастрычніцкай рэвалюцыі.

Такім чынам, для тых, хто працуе поўны дзень, працоўны дзень 6 лістапада (пятніца) скарачаецца на 1 гадзіну.

Для працаўнікоў з няпоўным графікам працягласць скарачаецца прапарцыйна. Напрыклад, пры 6-гадзінным працоўным дні — на 45 хвілін (60 хв / 8 гадз х 6 гадз), пры 4-гадзінным — на 30 хвілін (60 хв / 8 гадз х 4 гадз).

У міністэрстве таксама звярнулі ўвагу, што ў беларусаў у лістападзе пры шасцідзённым працоўным тыдні будзе 24 працоўныя дні, пры пяцідзённым — 21 працоўны дзень.