Расторгуеў абвінаваціў расійскіх лекараў у смерці зоркі «Любэ»

• 2.11.2026, 12:00

З сярэдзіны лета Аляксей Тарасаў хварэў.

У РФ памёр вакаліст расійскага гурта «Любэ» Аляксей Тарасаў. Пра яго смерць паведаміў расійскі прапагандысцкі рэсурс Star Hith.

Бэк-вакаліста «Любэ» не стала 30 кастрычніка — ён памёр на 65-м годзе жыцця. Расійскія лекары дыягнаставалі ў яго анкалагічнае захворванне — пухліну гартані і рак кішэчніка.

Франтмэн гурта Мікалай Расторгуеў абвінаваціў лекараў у тым, што яны не ўратавалі Тарасава.

«З сярэдзіны лета ён хварэў, яго паклалі ў бальніцу, дзе яго не ўратавалі», — сказаў Расторгуеў.

Тарасаў далучыўся да «Любэ» ў 1989 годзе, фактычна ў момант заснавання калектыву. Ён удзельнічаў у запісе ўсіх студыйных альбомаў гурта і на працягу многіх гадоў заставаўся адным з яго ключавых бэк-вакалістаў.

У канцэртны склад музыкант увайшоў у 2005 годзе. Яго глыбокі бас стаў пазнавальнай часткай гучання калектыву.