Названая прычына выбуху найноўшага расійскага Су-57 на аэрадроме

• 2.11.2026, 13:02

Кошт такога самалёта складае каля 150 млн долараў.

29 кастрычніка на расійскім ваенным аэрадроме Ахтубінск падчас запуску рухавікоў выбухнуў найноўшы шматмэтавы знішчальнік Су-57. Прыблізны кошт такога самалёта складае каля 150 млн долараў.

Пра гэта паведамляе Галоўнае ўпраўленне разведкі, назваўшы гэты інцыдэнт наступствамі «далёкабойных санкцый Украіны».

Адзначаецца, што Су-57 аснашчаны двухконтурным турбарэактыўным рухавіком АЛ-41Ф1, вядомым таксама як «выраб 117». Адной з магчымых прычын выбуху або крытычнага пашкоджання рухавіка можа быць выкарыстанне паліва неналежнай якасці, адзначаюць у разведцы.

Раней ГУР паведамляла, што з-за ўкраінскіх удараў на вялікія адлегласці па расійскай нафтавай інфраструктуры скарачаецца ўнутраная вытворчасць авіяцыйнага керасіну. У выніку Расія ўсё больш залежыць ад імпарту авіяцыйнага паліва.