Румынія ўзняла знішчальнікі F-16 з-за атакі РФ

• 2.11.2026, 13:40

Жыхароў прыгранічных раёнаў папярэдзілі пра магчымую небяспеку.

У ноч на 2 лістапада Румынія ўзняла ў паветра знішчальнікі F-16 і ваенны верталёт з-за масіраванай атакі расійскіх беспілотнікаў на ўкраінскія парты на Дунаі. Жыхароў прыгранічных раёнаў папярэдзілі пра магчымую небяспеку, паведаміла Міністэрства абароны Румыніі.

Паводле інфармацыі ведамства, для рэагавання на пагрозу былі задзейнічаны знішчальнікі F-16, якія знаходзіліся на баявым дзяжурстве на авіябазах у Фетэштах і Кымпія-Турзі, а таксама верталёт IAR 330 Puma SOCAT.

Нацыянальны ваенны камандны цэнтр паведаміў Генеральнаму інспектарату па надзвычайных сітуацыях пра неабходнасць папярэдзіць насельніцтва паўночнай часткі уезда Тулча.

У 04:11 мясцовым жыхарам было накіравана паведамленне праз сістэму экстранага апавяшчэння RO-Alert. Паветраная трывога была скасаваная ў 05:26.