Названыя самыя магутныя Android-смартфоны ў свеце

• 2.11.2026, 16:34

Яны справяцца з любой гульнёй.

Бенчмарк AnTuTu прадставіў спіс самых прадукцыйных смартфонаў на Android па выніках кастрычніка 2026 года. У гэтым месяцы вядучыя пазіцыі занялі прылады на базе новага флагманскага чыпа Snapdragon 8 Elite Extreme Gen 6.

Першае месца ў абноўленым рэйтынгу дасталося Honor Win 2 з вынікам 4 958 339 балаў. Red Magic 12 Pro+ набраў 4 956 846 балаў і адстаў усяго на 1 493 балы — па выніках тэстаў флагманы паказалі амаль аднолькавую прадукцыйнасць.

Абодва смартфоны працуюць на Snapdragon 8 Elite Extreme Gen 6, але выкарыстоўваюць розныя сістэмы астуджэння. Honor Win 2 атрымаў актыўную сістэму з двума паветранымі каналамі: першы непасрэдна адводзіць цяпло ад працэсара, а другі злучаны з выпаравальнай камерай VC. У Red Magic 12 Pro+ замест устаноўкі дадатковага вентылятара кампанія прымяніла інавацыйную двухкантурную сістэму вадкаснага астуджэння.

Трэцю пазіцыю заняў iQOO 16, які таксама працуе на Snapdragon 8 Elite Extreme Gen 6. Асобную ўвагу тут вытворца надаў гульнявым магчымасцям: прылада атрымала экран з частатой абнаўлення 165 Гц і фірмовы гульнявы чып Q4 уласнай распрацоўкі.

У дзясятку таксама трапілі Xiaomi 18 Fold, OnePlus 16, Honor Magic 9 Pro Max, Vivo X500 Pro Max, Oppo Find X10 Pro Max, Honor Win RT 2 і iQOO 15 Ultra.

Акрамя таго, быў складзены топ-10 сярод сярэднебюджэтных смартфонаў, дзе ўсе дзесяць пазіцый занялі прылады на базе MediaTek.