Расіянін пра Беларусь: нас там не вельмі хочуць бачыць

• 2.11.2026, 17:05

Якое гэта — быць грамадзянінам краіны-ізгоя?

Тэма эміграцыі стала адной з найпапулярнейшых у расійскім сегменце інтэрнэту. Расіяне абмяркоўваюць у сацсетцы Threads пераезд у іншыя краіны і ўмовы пражывання і легалізацыі там. Адно з самых папулярных напрамкаў — Беларусь.

«Хочам з сям'ёй пераехаць у Мінск, — піша адна з іх. — Людзі, што жывуць там, раскажыце пра плюсы і мінусы гэтага горада, што варта ўлічыць пры пераездзе, у якім раёне лепш пасяліцца і ў якім не варта? Загадзя дзякую за адказы. Толькі, калі ласка, без негатыву».

Цікава, што парады, якія аўтарка допісу атрымала як ад сваіх суайчыннікаў, так і ад беларусаў, былі амаль ідэнтычныя. Сайт Charter97.org прыводзіць некаторыя каментарыі:

— Без негатыву не атрымаецца. Нас там не вельмі хочуць бачыць. Нас увогуле нідзе не хочуць бачыць.

— Ды куды вы ўсе тут памесціцеся, беларусаў у Мінску ўжо менш, чым тых, хто пераехаў.

— Варта ўлічыць, што арэнда цяпер «конская», калі вы з пашпартам РФ, з прычыны юрыдычных момантаў можа быць складана знайсці кватэру. У цэлым горад дарагі, але калі ў вас фінансавыя пытанні будуць закрытыя, то цалкам камфортна можна жыць.

— Вам лепш сюды не трэба.

— Які Мінск? Вам трэба падымаць Краснаярскі край.

— Адразу кажу, што з-за наплыву нашых суграмадзян цэны на жыллё ў Мінску дзесьці ў космасе. Працу за прыстойныя грошы самі беларусы не могуць знайсці. Рускіх людзі не вельмі любяць, а палітыка амаль аднолькавая. Толькі інтэрнэт не заблакаваны і «Zara» ёсць.

— Калі хочаце без негатыву, тады нічога не трэба пытацца, не трэба будзіражыць людзей, жыццё стала складанае па ўсіх напрамках.

— Няхрэн тут рабіць. Мінск не гумовы.

— Падумайце. Добра падумайце. Яно вам трэба?

— Прыязджайце. Даведаецеся, якое гэта — быць грамадзянінам краіны-ізгоя.