У Мінск прыбыў Лаўроў

• 2.11.2026, 22:49

Кіраўнік МЗС РФ прыме ўдзел у канферэнцыі па еўразійскай бяспецы.

Міністр замежных спраў Расіі Сяргей Лаўроў прыбыў у Мінск. Ён прыме ўдзел у Міжнароднай канферэнцыі па еўразійскай бяспецы. Пра гэта паведаміла прэс-служба МЗС Расіі.

Форум склікалі па ініцыятыве дыктатара Аляксандра Лукашэнкі. Мерапрыемства праходзіць чацвёрты год запар. У канферэнцыі прымуць удзел прадстаўнікі краін АДКБ, СНД, ШАС, а таксама члены акадэмічнай і экспертнай супольнасці.

Сяргей Лаўроў у сваім выступленні на канферэнцыі прадставіць ацэнку ваенна-палітычнай сітуацыі на прасторы Еўразіі. «Асаблівая ўвага будзе нададзена шляхам рэалізацыі ініцыятывы фармавання архітэктуры еўразійскай бяспекі, а таксама пытанню распрацоўкі Еўразійскай хартыі разнастайнасці і шматпалярнасці ў ХХІ стагоддзі», — паведамлялі раней у МЗС.