Беларускія мытнікі спынілі спробу ўвозу тавараў з Расіі

• 3.11.2026, 16:04

У бусе з прычэпам перавозілі 13 тысяч адзінак прадукцыі.

Ля беларуска-расійскай мяжы мытнікі спынілі бус з прычэпам, у якім перавозілі 13 тысяч тавараў. Сярод іх былі адзенне, абутак, дзіцячыя цацкі, тканіны, кухонныя прылады і іншыя рэчы. Агульны кошт грузу ацанілі прыкладна ў 600 тысяч рублёў.

Аўтамабіль спынілі супрацоўнікі Аператыўнай мытні падчас спецыяльных мерапрыемстваў на мяжы з Расіяй. Тавары замежнай вытворчасці ляжалі ў грузавых адсеках буса і прычэпа.

Дакументаў на тавары ў кіроўцы не аказалася.

У дачыненні да перавозчыка пачалі адміністрацыйны працэс за парушэнне правілаў перавозкі тавараў. Паводле артыкула 13.12 КаАП яму можа пагражаць штраф да 300 тысяч рублёў.