Мінчанка: У нас у дворніках — былыя медсёстры, прадаўцы і швачкі

• 3.11.2026, 17:10

Пры гэтым медыцынскіх работнікаў у бальніцах не хапае.

Мінчукі абмяркоўваюць у сацсетцы Threads дзіўную сітуацыю на рынку працы ў сталіцы.

«Зайшла па хлеб. — піша жыхарка горада. — Знаёмая дзяўчына — касірка, якая працуе ў «Суседзях», — праходзіць стажыроўку ў «Маяку». З гэтага ж «Маяка» касіры тыдзень таму сплылі ў туман. У «Суседзях» наогул часам няма жывога касіра.

Міграцыя працоўных кадраў у гандлі пераўзыходзіць нават міграцыю працоўных кадраў у «Камунальніку».

Дарэчы, у нас сярод дворнікаў ёсць былыя медсёстры, прадаўцы і швачкі».

Іншы мінчук таксама звярнуў увагу на тое, што ў бальніцах не хапае лекараў.

«Адэкватныя медыкі не затрымліваюцца ў паліклініках і бальніцах — стаўленне плюс неадэкватная зарплата — і выпускнік «меда» ідзе ў таксісты. Чаму так? Што ў нас з рынкам працы наогул адбываецца?»